بصوا يا جماعه طبعا الكل عارف ان الانجليزى لغه مهمه جدا فى الشغل دلوقتى الكل بيطلب مع شهادتك تكون كويس فى الانجليزى فلازم تجهز نفسك لو طالب من دلوقتى ولو لسه متخرج وحتى لو بتشتغل علشان تحسن من نفسك ويكون ليك مستوى اكبر فى الشغل
اهم الامااكن اللى ممكن تاخد فيها كورس انجليزى وتستفيد وهما:
1. المعهد البريطانى
وده افضل مكان فى مصر كلها تاخد فيه انجليزى لكن هو طبعا غالى ومن ضمن اسبابه فى ارتفاع السعر ان اللى بيدرسلك فيه مش ناس عادييين ولا دكاتره كبار دول اجانب اللى بيدرسولك وهو فى حدود 25 مستوى والمستوى فيه ب900 جنيه تقريباوطبعا شهادته معتمده وافضل شهاده ممكن تاخدها تكون من المعهد ده
2. الجامعه الامريكيه
ودى رقم اتنين فى الاماكن الجامده فى مصر والانجليزى اللى فيها فى حدود 14 مستوى وسعر المستوى فى الجامعه الامريكيه خفيف عن المعهد البريطانى شويه وهو 564 جنيه ورسوم امتحان تحديد المستوى 60 جنيه وهو برده جامد وكويس جدا والتانى بعد المعهد البريطانى علطول.
3. معهد اللغات للقوات المسلحه
وده اللى بعد المعهد البريطانى والجامعه الامريكيه علطول وهو بصراحه محترم جدا وجامد والفرع الاساسى بتاعه فى كوبرى القبه واللى بيدرسلك فيه ظباط وبالنسبه لعدد المستويات فى الانجليزى هما 12 مستوى سعر المستوى حنين عن الجامعه الامريكيه والمعهد البريطانى وهو 320 جنيه ده بالنسبه للانجليزى لكن لاى ماده تانيه 255 جنيه وفى تخفيضات لاعائلات الضباط الجيش والشرطه برده وممكن تدخل محادثه بعد ما تخلص المستوى التامن من ال12 مستوى والمحادثه 6 مستويات
_______________________________________________
وانا بصراحه شايف ان افضل حاجه وتكون وسط وسعرها خفيف معهد القوات المسلحه محترم وكويس وسعره خفيف عن الحاجات التانيه وفى طبعا مراكز تانيه كتير بس كل ده كلام فاضى دول احسن تلاته فى مصر واليومين دول شغال التقديم فى معهد القوات المسلحه
يارب اكون قدرت افيدكم ولو بمعلومه صغيره وربنا يوفقكم
hessien_hessien غير متواجد حالياً رد مع اقتباس
الْمَشِارَكِات
الْنِّقَاط
السٌّمعَة 
